Bentley има намера да го врати во живот својот легендарен модел и да го направи дел од својата колекција наречена Heritage Collection.
Bentley е производител на автомобили со историја од повеќе од 100 години, што значи дека има многу генерации на историски модели.
За да му оддаде почит на своето минато, компанијата спроведе голем број проекти за реставрација, вклучувајќи го и S3 Continental Flying Spur од 1961 година, кој доби електричен погон.
Bentley во најновиот проект го „оживува“ својот прв модел од серијата Т, кој е претходник на модерниот модел Flying Spur и има намера целосно да го реставрира.
Автомобилот е произведен на 28 септември 1965 година и бил во сопственост на компанијата и служел за развој.
Тимот на Bentley го најде во неисправна состојба по години стоење во магацин и го поправи неговиот V8 мотор кој проработи за првпат по 15 години.
V8 се појави во 1959 година со доаѓањето на Bentley S2, а дизајнот на овој мотор беше толку сигурен што беше подобрен и произведен пет децении. Неговата кулминација беше моторот Muslanne Speed, кој развива 537 КС и 1.100 Nm вртежен момент.
Реставрацијата започна во 2016 година со демонтирање на делови од каросеријата и лакирање. Проектот беше стопиран поради фокусирање на плановите за електрификација, но сега е обновен. Компанијата предвидува дека ќе биде завршен во следните 18 месеци.
Намерата на експертите на Bentley е да го одржат автомобилот што е можно пооригинален, вклучувајќи ја и неговата оригинална Shell сива боја на каросеријата и внатрешноста покриена со сина кожа.
Кога ќе биде завршен, моделот од серијата Т ќе биде непроценлив колекционерски примерок.
