Основачот на Microsoft, Бил Гејтс, предвидува нова пандемија на планетата. Милијардерот сними поткаст во кој разговараше со Рашида Џонс и Ентони Фаучи за пандемијата на COVID-19 и промените кои ќе ги донесе вирусот во светот.
Во текот на разговорот Џонс го праша Гејтс дали човештвото ќе биде соочено со нова пандемија.
„Да, ќе имаме среќа ако тоа се случи за 20 години“, изјави Гејтс.
Тој нагласи дека постои можност нова пандемија да се појави и за три години. Сепак, вели дека следниот пат човештвото ќе биде подготвено за пандемија.
Според него, до тогаш ќе се појават алгоритами во склад со кои ќе се воведе карантин, а ќе има и подобрен систем за тестирање на потенцијални носители на инфекции.
„Вториот пат нема да бидеме вака глупави“, заклучи тој.