Компанијата Blue Origin се подготвува да испрати нови туристи во вселената.
За првпат ракетата ќе полета со шест патници, а по овој лет повторно ќе се користи. Екипажот кој ќе полета на 9 декември, ќе биде составен од Лора Шепард Чурчли (најстарата ќерка на Алан Шепард, првиот Американец кој патувал во вселената), водителот Мајкл Стрејхен, инвеститорот Еван Дик, филантропот Дилан Тејлор, бизнисмените Лејн Бес и Камерон Бес.
Ова ќе биде трет лет на Blue Origin со екипаж во вселената. На изминатите две патувања одеа по четири патници, а патник на првиот лет беше Џеф Безос.
Во вториот лет дел од екипажот беше и актерот Вилијам Шатнер. Темпото на лансирање на Blue Origin е навистина импресивно бидејќи е трето во годината, и покрај високите цени.
Зголемувањето на бројот на патници значи и зголемување на профитот, а во наредниот период се очекуваат поевтини билети во системот на вселенскиот туризам.
Но, дефинитивно, долго време за многумина ќе остане луксуз.