Тимот од Дортмунд официјално го претстави своето летно засилување кое доаѓа од редовите на ПСЖ.
Борусија на својата официјална веб-страница објави дека пресудно во одлуката Муние да го одбере токму овој тим била атмосферата на стадионот која ја доживеал кога играл таму како противник.
Муние на „Зигнал идуна Парк“ играше со ПСЖ во рамките на осминафиналето од Лигата на шампионите, натпревар кој Борусија го доби со 2:1.
„Уживав во моментот, во звуците, во атмосферата. Публиката е токлу блиску до теренот така што чувствуваш каде се наоѓаш. На теренот се однесував како дете, можете тоа да го видите на снимките“, вели Белгиецот.
Десниот бек во ПСЖ играше 4 сезони, а таму дојде од Бриж, додека кариерата ја почна во Виртон. Неговиот договор со „Светците“ заврши, па како слободен играч доаѓа во Дортмунд каде потпиша 4-годишен договор.
„Пристигна големиот ден!
Имам голема чест да го објавам својот ангажман во Борусија Дортмунд!
Се отвора ново поглавје за нас, за вас, за мене.
Колку е гордост да се носи жолто-црниот дрес!“, напиша Муние на Twitter.
Во Борусија ќе биде соиграч со неговиот колега од белгиската репрезентација, Аксел Вицел. Муние за Белгија има 40 настапи и 7 голови.
