Премиерлигашот Брајтон & Хоув Албион го потврди трансферот на најталентираниот голман во Европа, Барт Вербрухен (20). Андерлехт од трансферот на Вербрухен заработи 20 милиони евра. Ова е трета најголема продажба во историјата на Андерлехт и најскап голмански трансфер на сите времиња во Белгија.
Холанѓанецот Вербрухен на 18-годишна возраст се пресели во Андерлехт од Бреда и веднаш доби шанса да го чува голот на најславниот белгидки клуб.
Со оглед на тоа што Андерлехт со години бележи слаби резултати и не е во Лигата на шампионите, неопходна е продажба на млади играчи. Пред Вербрухен, во последните две години беа продадени Алберт Самби Локонга во Арсенал (17.500.000), Серхио Гомес во Манчестер Сити (13.000.000) и Жулјан Дуранвил во Борусија од Дортмунд (8.500.000).
Вербрухен прво го бараше Венсан Компани во Барнли, но Брајтон понуди повеќе пари. Во претходните години клубот од југот на Англија се профилираше како одлична средина за развој на млади таленти и не ја пропушти можноста да пазари во Белгија.
Трансферот на Вербрухен значи дека 32-годишниот Шпанец Роберт Санчес ќе го напушти клубот. Вербруген за место во стратната постава ќе се бори со Џејсон Стил.