Брахим Диас, 24-годишниот играч на Реал Мадрид кој постојано се подобрува, одлучил да игра за мароканската репрезентација, а не за Шпанија, објавија денеска бројни шпански медиуми.
„Неговата одлука е цврста, внимателно обмислена и неповратна“, велат шпанските медиуми за одлуката на офанзивниот играч за врска на Реал. Оваа сезона Брахим Дијаз постигна 4 гола за Реал во Примера, 2 во Лигата на шампионите, покрај оној за 1:0 победата кај Лајпциг во првиот осминафинален натпревар, а додаде и по еден гол во Копа дел Реј и шпанскиот Суперкуп.
Брахим Диас веќе има настапувано за шпанските репрезентации до 17, 19 и 21 година, а одигра и 1 натпревар во сениорската репрезентација, на пријателскиот натпревар против Литванија во јуни 2021 година. Неговата мајка е Шпанка, но неговиот татко е со Мароканец роден во Африка и тоа во шпанската енклава Мелиља.
Интересно е тоа што Брахим деновиве бил во многу во необична ситуација: Реал добил два повика за него за мартовската репрезентативна пауза, една од Мароко и една од Шпанија.
Но, ако Мароко со години безмилосно му се додворува на Брахим, Шпанија секогаш го третираше како можен репрезентативец за поширокиот список. Брахим, откако играше во сите младински репрезентации на Шпанија, побара гаранции кои Луис де ла Фуенте никогаш не му ги даде, додека Валид Реграги секогаш го посочуваше Брахим како иден столб на неговата репрезентација.
Од 2016 до 2019 година Брахим Диас како млад играч настапуваше за Манчестер Сити, каде што не се наигра, настапувајќи само на 5 натпревари во Премиер лигата. Од 2019 година е член на Реал Мадрид, со тоа што до минатата сезона беше на позајмица во Милан.
Ако сѐ оди по планот, Брахим за Мароко може да дебитира кон крајот на месецов на пријателските со Ангола и Мавританија.
На последното Светско првенство во Катар 2022, Мароко беше најпријатното изненадување и играше во натпреварот за третото место во кој Хрватска беше подобра.