Escobar Inc, компанијата која Роберто Ескобар ја води заедно со Швеѓанецот Олаф Густафсон, тврди дека компанијата Klarna им должи 400.000 евра за илјадници телефони од марката Escobar, продадени преку оваа платформа.
Иако износот не е голем за компанијата, вредна 10,6 милијарди долари, тоа би можело да предизвика проблеми за да не излезе на американската берза.
„Имам добри адвокати и ви гарантирам дека ќе победиме на суд“, вели Густафсон.
Во Klarna велат дека ги задржале парите бидејќи веруваат дека продадените телефони никогаш не биле доставени до купувачите.
Роберто, братот на Пабло, ја основал Escobar Inc во 1984 година во Колумбија, а во последните 6 години се занимава со заштита на семејното презиме, па често ги тужи луѓето и компаниите кои го користат името „Ескобар“ за продажба на производи.
Така на пример, ги тужеше Netflix поради серијата „Narcos“, а на крајот со нив се спогоди без судење. На суд ги испрати Apple, а судски повици добија и неколку музичари. Сепак, тужбата против Klarna не се однесува на заштита на марката Ескобар, туку на обидот компанијата да ја користи репутацијата на Пабло Ескобар за продажба на позлатени телефони.
Сè започна минатиот декември, кога Escobar Inc го претстави Escobar Fold 1, прекриен со тенок слој злато.
Компанијата ја критикуваат и поради реклами со полуголи жени, а се појавија и информации дека телефоните воопшти не биле испорачани до купувачите.
Според Густафсон, Escobar Fold 1 е продаден во илјада примероци. Klarna задржа 400.000 евра и нема намера да ги врати. Во меѓувреме, телефоните и понатаму може да се купат преку уплата на сметка на компанијата на Ескобар. Судскиот процес против Klarna е покренат во судот во Калифорнија.
