Машината за перење е еден од уредите кои трошат најмногу електрична енергија. Експертите откриваат кој е „магичниот“ час да се вклучи машината за да се заштеди струја.
Според британската организација Energy Saving Trust, машината за перење троши дури 14% од трошоците за електрична енергија.
Најдобро е да ја вклучите помеѓу 22 и 8 часот, а „магичниот“ час е од 7 до 8 часот.
„Додека домаќинствата се борат со трошоците, едноставна промена како што е префрлањето на 'магичен час' може да направи вистинска разлика во вашите сметки. Го истакнуваме периодот помеѓу 7 и 8 наутро бидејќи никогаш не би препорачале да се оптеретувате пред спиење, поради здравје и безбедност“, изјави Клои Бејкер, портпаролка на споменатата организација.
Во Македонија евтината струја е од 22 часот до 7 часот утрината, така што кај нас „магичниот“ час би бил од 6 до 7 наутро, нормално, доколку станувате толку рано.
За да не ја уништите облеката, работите што никогаш не треба да ги ставате во машината за перење се: костими за капење, кожни обувки и облека, облека од волна, кашмир или кадифе, градници, вратоврски, перници и душеци направени од цврста пена и ткаенини извалкани со запаливи течности.
