Британските научници почнаа да развиваат вакцини како гаранција од нови пандемии предизвикани од непозната „болест Х“.
Работата ја спроведува тим од над 200 научници во владиниот лабораториски комплекс со висока безбеденост „Порт Даун“ во Вилтшир. Направиле попис на сите животински вируси што можат да ги заразат луѓето и кои во иднина би можеле многу брзо да се рашират низ светот.
Кои од нив ќе се пробијат и ќе ја предизвикаат наредната пандемија не е познато, поради што научниците ѝ го дале името „болест Х“.
Екипа на Sky News го посетила местото со кое управува Агенцијата за здравствена безбедност на Велика Британија, за да видат како се работи во лабораториите со висок степен на заштита.
„Она што се обидуваме да го направиме е да се осигураме дека сме подготвени така што, ако имаме нова болест Х, нов патоген, поголемиот дел од работата да ја имаме однапред завршено. Се надеваме дека со тоа можеме да спречиме пандемија. Но, ако не можеме, а мораме да одговориме, тогаш веќе сме почнале да развиваме вакцини и лекови за да ја разбиеме“, вели професорката Дејм Џени Харис, една од водечките во Агенцијата за здравствена безбедност на Велика Британија (УКХСА).
Центарот за развој и евалуација на вакцини „Порт Даун“ е проширен за да може да ја преземе работата. Оригинално, беше сконцентриран на COVID и тестирање на можностите на вакцините против нови варијанти.
Научниците во Центарот сега се вклучени во пратење на неколку високоризични патогени, вклучително и птичји грип, мајмунски сипаници и хантавирус, болест што ја пренесуваат глодари.
Еден од раните успеси е првата вакцина во светот против кримско-конгоанската хеморагиска треска, болест што се пренесува преку крлежи и која има стапка на смртност од 30%.
Клиничките испитувања во раната фаза штотуку започнаа, а се очекува дека 24 доброволци ќе тестираат каснување.
Како што температурите растат, болеста станува сѐ почеста во Европа, а некои патници се враќаат дома со инфекција.
