Нутриционистот Ребека Гавторн сподели совршен рецепт, но и трик како вашето дете да ја засака храната богата со витамини.
Освен што се здрави, овие мафини од пет вида зеленчук се идеални за почеток на работниот ден. Се подготвуваат многу едноставно, богати се со протеини и идеални се како ужина во текот на денот, како за возрасните така и за децата.
Потребни состојки:
-1 морков
-1 тиквичка
-шолја сецкан млад спанаќ
-четвртина шолја пченка од конзерва
-четвртина шолја грашок од конзерва
-шолја рендан кашкавал
-четвртина шолја грчки јогурт
-половина шолја растително млеко
-две јајца
-маслиново масло
-две шолји брашно
-три лажички прашок за пециво
Начин на подготовка:
Рерната загрејте ја на 180 степени и подгответе го садот за печење 12 мафини. Изрендајте ги морковот и тиквичката, па исцедете ја течноста од зеленчукот. Измешајте ги тиквичката, морковот, пченката, грашокот, кашкавалот, спанаќот, јајцата, маслиновото масло, јогуртот и млекото.
Потоа додадете ги брашното и прашокот за пециво и нежно измешајте. Ставете ја смесата во калапи за мафини и печете до 25 минути.
Целосниот начин на подготовка може да го погледнете во видеото:
