Рецепт за вкусен додаток на јадења од месо.
Потребни состојки:
-100 г целер
-300 г компир
-300 г грашок
-1 кромид
-2 чешни лук
-1 лажица путер
-сол, бибер
Начин на подготовка:
Лукот и кромидот ситно исечете ги, а компирот и целерот покрупно, на коцки. Испржете го кромидот на парче стопен путер, па додадете го и лукот. Кога лукот ќе пушти арома, додадете ги компирот, грашокот и целерот. Додадете вода колку да го покрие зеленчукот, посолете, зачинете и варете додека не омекне зеленчукот.
Сварениот зеленчук процедете го од водата, може да го згмечите или ставите во блендер за да добиете пире.
Пирето може да го комбинирате со различни видови месо.