На најголемото англиско дерби помеѓу Ливерпул и Манчестер Јунајтед (4:0) имаше трогателен момент во седмата минута кога целиот стадион Енфилд се крена на нозе со овации, а химната на Ливерпул You Never Walk Alone (Никогаш нема да бидеш сам) испрати порака за поддршка до Кристијано Роналдо.
Португалскиот фудбалер соопшти дека неговиот новороден син починал во болница и дека неговото семејство тагува и моли за почитување на приватноста. Роналдо поради трагедијата не настапи на дербито, но навивачите на најголемиот ривал изразија сочувство и му порачаа на Роналдо дека се со него во овие тешки моменти.