Град Скопје подготви богата културна понуда за вечерашното 19-то издание на Бела ноќ.
На многу локации ширум македонската престолнина програмата ќе понуди најразлични настани за сечиј вкус.
Воедно, во периодот денеска од 18:00 до утре во 5:00 часот сабајлето сите граѓани ќе можат бесплатно да го користат јавниот автобуски превоз. Во функција ќе бидат и ноќните линии.
Настанот Бела ноќ 2023 е дел од богатата културна понуда на Град Скопје како Европска престолнина на културата 2028. Сите настани се од отворен карактер (бесплатни) за посетителите.