Малите работи често можат да направат големи промени, па затоа е добро да ги знаете следните работи.
Сите сакаме глатко да старееме, но зачувувањето на младоста на лицето е донекаде предизвик и се случува често да грешиме во одржувањето на негата на кожата.
Честа грешка во негата на кожата е прескокнувањето на употребата на кремови со заштитен фактор. Експертите веруваат дека дури и во облачни денови, УВ зраците сè уште можат да се пренесат преку облаците, па дури и преку стакло, што ја прави вашата кожа подложна на предвремено стареење и брчки. Одлучете се за полесен хидратантен крем со заштитен фактор.
Кожата околу очите е природно потенка, понежна и чувствителна отколку на остатокот од лицето и побрзо ја губи цврстината и еластичноста. Значи, тука се секогаш највидливите знаци на стареење. Набавете крем наменет за пределот околу очите, бидејќи тие имаат полесна текстура од другите производи за лице и кожата подобро ги впива.
Ако сте добри во редовно миење на лицето, можеби не мислите дека треба да повнимавате на овој чекор во вашата рутина за нега на кожата. Меѓутоа, ако не се миете најмалку 30 секунди или не користите средства за отстранување на шминка, вие го чистите лицето на погрешен начин.
Цел ден акумулираме нечистотија, остатоци, пот на нашата кожа; ако не ги отстраниме од кожата, порите може да се затнат и поради тоа да изгледаме постари, а може да се појават и акни.
Шминката треба да ги подобри нашите карактеристики, но ако го прескокнете навлажнувањето и нанесете основен слој пудра на сува кожа, веројатно нема да има толку позитивен ефект. Кога кожата е природно сува, таа нема да добие многу „храна“ од пудрата.
Дополнително, некои подлоги можат да ја исушат кожата за да одржат мат финиш. Не само што сувата кожа ќе ја изгуби хидратацијата, а со тоа и нејзината дебелина и мазност, туку и фините линии и брчки ќе станат подефинирани, додавајќи години на вашиот изглед.