Тричлено семејство годишно троши околу 11 проценти енергија на готвење, а постојат неколку трикови за заштеда на енергија во кујната, пишува германската новинска агенција Deutsche Presse-Agentur.
За почеток, ако користите капак, топлината не може да излезе од тенџерето, тоа е трипати поефикасно од готвењето без капак, а и храната побрзо ќе се загрее.
Струја може да се заштеди и ако изберете тенџере и тава чии радиуси одговараат на големината на ринглата на која готвите. Радиусот на садот може да биде и малку поголем.
Исто така, ќе заштедите енергија и пари ако во тенџерето ставите вода колку што е потребно бидејќи тоа го забрзува процесот на загревање и така се намалува потрошувачката на вода и енергија.
Кампањата за заштеда на енергија на германската влада нагласува дека јајца и зеленчук може да варите во 2 сантиметри вода, односно доволно е само да бидат прекриени со вода. Така може да заштедите 10 евра годишно.
Последниот совет е за љубителите на тестенини, ставете ги во тенџере додека водата е сè уште ладна. Така тестенините побрзо ќе се сварат.
