Глен де Врис, 49-годишниот бизнисмен кој минатиот месец леташе во вселената со актерот Вилијам Шатнер на летот лансиран од Blue Origin на Џеф Безос, загина во четвртокот во авионска несреќа во Њу Џерзи.
Во соопштението на Blue Origin стои:
„Не изненади веста за смртта на Глед де Врис. Внесе толку живот и енергија во тимот на Blue Origin и со колегите од екипажот. Неговата страст кон авијацијата, неговата добротворна работа и неговата посветеност кон работата долго ќе бидат ценети“.
Несреќата на едномоторната Cessna 172 се случи во четвртокот попладне во близина на државниот парк Њу Џерзи. Полицијата го објави идентитетот на двајцата загинати, станува збор за Де Врис и сопственикот на авиокомпанијата Томас Фишер.
Де Врис беше потпретседател за животни науки и здравствена заштита во Dassault Systèmes, матична корпорација на технолошката компанија Medidata Solutions, чиј основач е Де Врис.
„Нашите мисли и поддршка се упатени кон семејството на Глен“, стои во соопштението Dassault Systèmes, додавајќи дека неуморната енергија на Врис, емпатијата и духот оставија трага кај сите кои го познавале.
Уште не е познато кој од двајцата луѓе идентификувани во несреќата управувал со авионот.