Словенецот Лука Дончиќ доби големо засилување во борбата за титулата шампион во НБА лигата, откако поранешниот кошаркар на Бруклин Нетс Кајри Ирвинг ќе стане нов член на Далас Маверикс.
Веста ја пренесоа најпознатите кошаркарски новинари од САД - Шамс Чаранија и Адријан Војнаровски.
Трејдот нема да го чини премногу тимот на Далас, кој во спротивна насока ќе ги испрати Спенсер Динвиди и Доријан Фини-Смит.
Нетси, исто така, ќе добијат пик од првиот круг во 2029 година и неколку други пикови за кои ќе имаат право да се пријават.
Да потсетиме дека Ирвинг пропушти голем дел од актуелната сезона бидејќи не сакаше да се вакцинира, па не можеше да игра.
Сепак, правилото набрзо беше укинато, а тој потоа почна да игра и да доминира, бидејќи сезонава имаше просек од 27,1 поен, додавајќи 5,1 скока и 5,3 асистенции по меч.
Многу стручњаци веруваат дека тој сигурно ќе формира нереален тандем со Дончиќ, моментално еден од најдобрите играчи во лигата.