Родителскиот инстинкт се развива во мозокот, покажуваат резултатите од најновото истражување на Универзитетот Оксфорд. Според ова истражување, во човечкиот мозок има дел што игра клучна улога во создавањето на инстинктивната желба да се грижиме за нашите деца и да ги израснеме.
Ова откритие може да помогне во наоѓање на одговорот за еволуциското прашање зошто бебињата ги гледаме како нешто посебно, а секако може да им помогне на лекарите подобро да ги разберат луѓето кои патат од постпородилна депресија.
„Овие резултати се многу важни бидејќи е јасно дека постои причина зошто толку многу се грижиме за нашето потомство“, вели Мортен Крингелбах, експертот кој го водеше истражувањето.
Оваа идеја нѐ враќа на Чарлс Дарвин и неговата теорија за еволуцијата. Истражувачите истакнуваат дека за родителскиот инстинкт е „виновен“ делот од мозокот „medial orbitofrontal cortex“ што се активира кога гледаме детско лице.
Научниците сметаат дека токму тој дел е клучен за контрола на емоциите.
Родителската реакција била слична и кај мажите и кај жените волонтери опфатени во ова истражување, без разлика дали имале или немале деца, што докажува дека се работи за вродени реакции.
Овие откритија може да им помогнат на лекарите во лекувањето на постпородилна депресија што зафаќа околу 15% од жените и 3% од мажите.
