Сите знаеме дека малку грижа за себе многу помага за добар сон, и дали знаевте дека тоа вклучува и мастурбирање?
Иако постојат многу начини да заспиете, откриено е дека и мастурбацијата пред спиење има смирувачки ефект што ви помага да заспиете опуштено.
Несоницата е сè почеста појава за многу луѓе, а процесот на мастурбација пред спиење придонесува да имате мирен и цврст сон.
Кога мастурбирате, вашето тело ослободува хемикалии кои работат заедно за да го намалат нивото на стрес и да ви гарантираат здрав сон. Еден од хормоните е пролактинот, кој ви помага да доживеете подолг период на спиење во кој спиете непречено и длабоко. Друг е ендорфинот, хормонот на среќата, кој се ослободува и кога вежбате.
Сексот ослободува окситоцин, или „хормонот на љубовта“, кој помага во регулирањето на многу мозочни функции, вклучувајќи го и спиењето. Се разбира, мастурбацијата го има истиот ефект и го ослободува хормонот на нежност, дури и ако сте сами.
Во исто време, добриот оргазам помага и за намалување на хормонот на стрес, наречен кортизол, кој му овозможува на нашиот ум да биде поопуштен.
Друга работа што вреди да се напомене за оргазмите е тоа што тие помагаат да се намали болката. Така, мастурбацијата за време на менструалниот циклус може да ги намали грчевите со зголемување на протокот на крв во матката. Кога имате помалку болки, веројатно ќе спиете подобро.
Човечкиот ум има тенденција да заталка. Затоа погрижете се да го исчистите умот и да се концентрирате на дишењето пред да започнете да мастурбирате - тоа прави огромна разлика, па дури и ви помага да доживеете поинтензивен оргазам.
