Децата кои навечер се прикрадуваат во креветот на родителите веројатно ќе бидат поинтелигентни, посигурни и со поголема самодоверба како возрасни луѓе, покажа истражување.
Како што пренесува Practical Parenting, децата кои сакаат да спијат со своите родители се попаметни и поуспешни на училиште, а подоцна и на работното место.
Истражувањето покажало дека овие деца во првите години од школувањето имале повисоки резултати на когнитивните тестови. На истиот начин, научниците дошле до податоци кои покажуваат дека децата кои спијат со своите родители се позадоволни на помлада возраст, но и како зрели луѓе, а тоа особено се истакнало кај момчињата.
Ретроспективното истражување покажало дека мажите кои спиеле со родителите имале поголема самодоверба, помало чувство на вина и нервоза, стои во истражувањето. Ова е особено добра вест за сите родители кои тешко успеваат да се наспијат бидејќи децата го заземаат скоро целиот кревет.
Сепак, експертите предупредуваат дека не се препорачува заедничко спиење кога се во прашање бебињата и малите деца бидејќи може да дојде до задушување.