Истражувачи од Технолошкиот институт во Масачусетс патентираа нов тип заштитна маска, која има специјална бакарна мрежа и минијатурни батерии.
Наместо да го филтрира воздухот, маската пропушта микроби, но бакарниот слој ги уништува. Електричната енергија ја загрева мрежичката до 90 степени Целзиусови, доволно за бидат уништени сите познати вируси, вклучително и новиот коронавирус.
Кога би влегла во комерцијална употреба, маската веројатно би била поскапа од класичните хируршки маски. Ваквиот вид маски е идеален за најризичните локации како болници или затворени јавни места. Дизајнот на маската е таков што по употреба не се фрла, стерилизира или пере.
„Развивме целосно нов концепт кој не ги блокира вирусите, туку ги пропушта и ги убива“, вели Мајк Страно, еден од истражувачите од МИТ.
Иновацијата се огледува и во начинот на протокот на воздух, додека ја носите маската. Со помош на вжештената мрежичка, воздухот се стерилизира во двата правци, штитејќи ги носителот и луѓето неговата близина.
За да не дојде до изгореници, вграден е заштитен слој на неопрен, синтетичка гум, пренесе Daily Mail.
