Во древната култура Кокла, која ја населувала областа на Панама помеѓу 200 п.н.е. и 1550 година од нашата ера, се чини дека елитата не се грижела премногу за осаменоста во задгробниот живот.
Имено, во гробницата на младиот владетел на Кокла во долината Рио Гранде, стара приближно 1.200 години, археолозите пронајдоа докази за морничав ритуал на благородникот.
Тие откриле дека поглаварите и благородништвото во таа култура биле погребувани покрај нивните најблиски, како што се саканите слуги или сопруги, кои биле жртвувани за време на погребните церемонии. Во гробницата на владетелот на Кокла, откриена во 2011 година на местото Ел Кано, имало куп предмети од злато, но и коски на десетици луѓе. Самиот владетел бил закопан со лицето надолу и бил над телото на жената.
La complejidad de la liturgia ritual, la bien estructurada organización del espacio funerario, y la presencia de ricas...
Posted by Fundación El Caño-CIAI on Tuesday, March 5, 2024
За време на ископувањата, кои ги спроведуваат во последните десет години на местото Ел Кано и блискиот Ситио Конте, археолозите пронајдоа бројни гробови во кои имало повеќе од едно тело. Но, ништо не го надмина раскошниот погреб на младиот владетел што се случил околу 750 година, пишува Science Alert.
Луксузните предмети пронајдени во неговиот гроб веројатно имале религиозно значење. Меѓу грнчарските парчиња пронајдени се два појаси златни монистра, четири нараквици, две обетки во форма на маж и жена, обетка во облик на крокодил, ѓердан од монистра, пет обетки од китови заби, две златни чинии, две ѕвона, здолништа и нараквици направени од кучешки заби и комплет коскени флејти.
Со оглед на тоа дека ископувањата на оваа необична локација сè уште не се завршени, можеби бројот на жртвувани следбеници на владетелот на Кокла би можело да се зголеми. Археолозите претпоставуваат дека до него биле закопани меѓу 8 и 30 луѓе. Неопходно е да се изврши генетска анализа на коските за да се утврди точниот број на поединци, односно да се открие кои коски припаѓаат на која личност.
