Дубаи постојано работи на проширување на туристичката понуда, а еден од новитетите кој ќе и биде претставен на јавноста во октомври е најголемото панорамско тркало на светот.
На 21 октомври Дубаи ќе го отвори најголемото панорамско тркало на светот, високо 250 метри, кое ќе биде за 80 метри повисоко од моментално највисокото кое се наоѓа во Лас Вегас.
Тркалото наречено Аин Дубаи ќе има 48 затворени кабини, а некои од кабините ќе можат да примат и по 40 патници. Вкупниот капацитет е 1.750 луѓе кои истовремено ќе можат да го разгледуваат градот од ова величествено здание.
Кабините ќе бидат поделени на три типови - едните ќе имаат стриктно разгледувачка улога, вторите ќе нудат пристап и до храна и пијалоци, а третите ќе бидат приватни и можат да се прилагодат за вечери, деловни состаноци и други настани. Секое возење ќе трае 38 минути.
