Влијателното британско списание The Economist го прогласи Окленд од Нов Зеланд за најдобар град за живеење во светот, во споредбата со 139 други градови. Одличната реакција на овој град на пандемијата на коронавирусот придонесе за ваквата одлука.
Од 2018 до 2020 година, титулата најдобар град за живеење ја носеше Виена. На рангирањето за оваа година не ниту меѓу првите десет градови откако се пласираше на 12-тото место. На рангирањето значително се одрази реакцијата на градовите на пандемијата, нешто што The Economist најмногу го зеде предвид.
Предвид се земени стабилноста, состојбата на здравствената заштита, културата, животната средина, образованието и инфраструктурата.
Окленд е најголем град на Нов Зеланд со речиси 1,5 милиони жители, но не е главен глад. Тој примат му припаѓа на Велингтон. Се наоѓа на северниот дел од земјата, односно на Северен Остров, помалиот, но понаселениот од двата главни новозеландски острови.
Меѓу десетте најдобро рангирани градови се наоѓаат:
1. Окленд (Нов Зеланд)
2. Осака (Јапонија)
3. Аделаида (Австралија)
4. Велингтон (Нов Зеланд)
5. Токио (Јапонија)
6. Перт (Австралија)
7. Цирих (Швајцарија)
8. Женева (Швајцарија)
8. Мелбурн (Австралија)
10. Бризбејн (Австралија)
Меѓу десетте најлошо рангирани градови се:
140. Дамаск (Сирија)
139. Лагос (Нигерија)
138. Порт Морсби (Папуа Нова Гвинеја)
137. Дака (Бандладеш)
136. Алжир (Алжир)
135. Триполи (Либија)
134. Карачи (Пакистан)
133. Хараре (Зимбабве)
132. Дуала (Камерун)
131. Каракас (Венецуела)
