Осомничениот Д.Д.(50) синоќа на рочиштето во Вишото јавно обвинителство во Заечар призна дека ја задавил двегодишната Данка Илиќ.
Повеќе од два часа синоќа траеше сослушувањето на Д.Д. Тој во обвинителството откри и дека имал помагачи да го тргнат телото на Данка од депонијата.
„Тој рече дека татко му и брат му помогнале да се ослободи од телото“, вели извор запознаен со случајот.
Потсетуваме, осомничените за убиството на Данка Илиќ (2) синоќа беа сослушани во обвинителството, а во таа прилика еден од осомничените го призна делото, додека другиот се бранел со молчење.
„Осомничените беа сослушани во обвинителството, при што Д.Д. целосно го признал извршувањето на делото, додека Ј.С. се бранел со молчење“, соопштија од Обвинителството.
Како што јави Радио-телевизија на Србија, уапсени се таткото и братот на осомничениот Д.Д.
Тие наводно помогнале телото на девојчето да се премести од депонијата во околината на Бањско Поле на засега непозната локација на територијата на градот Бор.
Поради постоење основи на сомнение дека најверојатно сториле кривично дело на 28 март годинава помагајќи му на сторителот по извршувањето на кривичното дело, на Р.Д и Д.Д им е одреден притвор до 48 часа.
Со кривична пријава ќе бидат изведени до Вишото јавно обвинителство во Зајечар.
На осомничените за убиството на двегодишната Данка Илиќ од Бор рано утринава им е одредена мерка притвор. Шефот на УКП Нинослав Чмолиќ вели дека полицијата продолжува со потрагата по телото, а во текот на денот ќе бидат посетени уште неколку локации.
Шефот на УКП Нинослав Чмолиќ вели дека полицијата ја продолжува потрагата по телото, осомничените се приведени, а како што истакнува, иако осомничените детално го опишуваат делото, кога станува збор за кажување каде е сокриено телото, осомничениот не сака да соработува.
„Сè уште се трага по телото на убиената Данка Илиќ, се трагаат и септичките јами, ќе одиме и на гробиштата. Два дена по трагичниот настан, еден од нив се вратил, го зел телото од депонијата и не кажува каде го сокрил телото. Детално го опишува извршувањето на кривично дело, но не сака да соработува кога ќе дојдеме до прашањата за наоѓање на телото“, вели Цмолиќ.