Подготовката за овој сладолед од лимон е брза и лесна, летен десерт што ќе ве освежи во пеколните горештини.
Потребни состојки:
-250 мл слатка павлака
-200 мл млеко
-1 лимон
-150 г шеќер
Начин на подготовка:
Во блендер ставете ја кората од лимон со шеќерот, а потоа додадете ги сокот од лимон, млекото и слатката павлака. Продолжете да мешате, додека не добиете еднолична смеса.
Ставете ја смесата во низок, но длабок сад и оставете во ладилник да стои до 4 часа. На секои половина час добро измешајте.
