Манекенката и актерка за Vogue потврди дека е бремена и зборуваше за своите ставови за мајчинството.
Ова ќе биде прво дете за Емили Ратајковски и нејзиниот сопруг, филмскиот продуцент Себастијан Бер-Меклард.
„Кога со сопругот ќе кажеме за бременоста, по честитките, сите прашуваат дали знаеме какво дете сакаме (машко или женско). Сакаме да одговориме дека нема да го знаеме полот сѐ додека нашето дете не наполни 18 години и дека тогаш само ќе си каже. Сите се смеат на тоа", вели 29-годишната Ратајковски во текстот за Vogue.
Заедно со фотографијата од насловната страница на списанието каде си го гали стомакот, таа објави и видео во кое за момент позира целосно гола, а јасно е дека е бремена.
