Познатиот инфлуенсер Ендрју Тејт ќе остане во притвор најмалку уште еден месец откако му беше одбиена жалбата на мерката притвор.
Ендрју и неговиот брат Тристан беа уапсени минатиот месец под сомнение за трговија со луѓе, силување и формирање на организирана криминална група. И двајцата негираа дека ги извршиле овие дела.
Минатиот месец судијата им го продолжи притворот до 27 февруари.
Полицијата сè уште не поднела никаква пријава против браќата, кои се преселија во Романија пред пет години.
Тина Гландијан, американски правен советник ангажирана од браќата Тејт за да помогне во жалбата, тврдеше дека нивниот притвор без обвинение повеќе од 30 дена е кршење на нивните човекови права.
Гландијан има искуство во претставување на личности од висок профил како Мајк Тајсон и Крис Браун, и е специјализирана за меѓународни човекови права, јавува BBC.
Зборувајќи со новинарите пред да биде отфрлена жалбата, таа посочи дека притисоците влијаеле на случајот, но одби да објасни какви би можеле да бидат тие притисоци.
„Досега системот потфрла“, рече таа.
Постојат шпекулации дека нејзиното назначување би можело да донесе нов пристап кон правниот тим на браќата Тејт додека се обидуваат да обезбедат нивно ослободување од притвор. Браќата, кои имаат и американско и британско државјанство, вработија и специјалист за комуникации за да одговори на интересот на медиумите за случајот.