Манчестер Јунејтед лесно го преболи заминувањето на Кристијано Роналдо, барем ако се суди по првиот натпревар кој англискиот великан го одигра без него.
Тимот на Ерик тен Хаг со рутински 3:0 го победи Нотингем Форест, а изјавата на Кристијан Ериксен по натпреварот потврдува дека Роналдо е минато.
„Жал ни е што Роналдо не е дел од ова, неговото наследство и неговото име имаат посебен статус во секој клуб. Мило ми е што имав можност во кариерата да ја делам соблекувалната со него. Сега сме во добра ситуација. Почетокот на сезоната беше многу потежок, потоа фудбалот беше малку поинаков. На некои натпревари пропуштивме многу, но мислам дека ја подобривме формата и растеме“, изјави играчот од средниот ред на Јунајтед и додаде:
„Можете да почувствувате дека атмосферата во тимот е подобра. Може да почувствувате дека системот функционира и дека сите играчи веруваат во него, а тоа е клучно. Атмосферата е добра. Имаме многу играчи кои штотуку се вратија од Светското првенство, некои допрва треба да дојдат. Оваа победа ни помага да го надминеме периодот во кој сигурно ќе има многу уморни нозе“.
