Поради контроверзниот предлог-закон што Конгресот би можело да го усвои, Meta, матичната компанија на Facebook, се заканува дека ќе ги отстрани вестите од својата социјална платформа.
Meta се закани дека ќе ги отстрани вестите од својата платформа доколку американскиот Конгрес усвои предлог кој има за цел да им олесни на новинските организации колективно да се договараат со компании како Google и Facebook.
Според Reuters, извори информирани за ова прашање велат дека пратениците размислуваат да го додадат Законот за заштита на конкуренцијата и новинарството во годишниот нацрт-закон за одбрана што мора да се гласа, како начин да ѝ се помогне на локалната информативна индустрија. Сепак, се чини дека Марк Закерберг и неговата компанија Meta нема да седат со скрстени раце.
„Доколку Конгресот усвои непромислен предлог-закон за новинарство, ќе бидеме принудени да размислиме за целосно отстранување на вестите од нашата платформа, наместо да се подложиме на преговори со мандат од владата кои неправедно отфрлаат каква било форма на вредност што им ја даваме на новинските агенции преку зголемување на публиката и претплатата“, се закани на Енди Стоун, портпарол на компанијата Meta.
„Законот за конкуренција и зачувување на новинарството пропушти клучен детаљ - издавачите ставаат своја содржина на нашата платформа затоа што им користи, а не обратно. Ниту една компанија не треба да биде принудена да плаќа за содржини што корисниците не ги користат. Едноставно кажано - Владата создава ентитет сличен на картел кој бара од една приватна компанија да субвенционира други приватни субјекти, што е ужасен преседан за американскиот бизнис“, вели Стоун.
Групата News Media Alliance, која ги застапува новинските агенции, бара од Конгресот да го додаде предлог-законот во нацрт-законот за одбрана, тврдејќи дека „локалните весници не можат да си дозволат да издржат уште неколку години злоупотреба од големите технолошки компании, а времето за дејствување истекува. Ако Конгресот не дејствува наскоро, ризикуваме да дозволиме социјалните мрежи да станат локалниот весник на Америка“.
Сличен австралиски закон, кој стапи на сила во март 2021 година, по разговорите со големите технолошки компании доведоа до кратка суспензија на вестите на платформата Facebook во таа земја, во голема мера функционираше, се вели во владиниот извештај.
Откако стапи на сила Кодексот за преговори за медиуми, различни технолошки компании, вклучувајќи ги Meta и Alphabet, потпишаа повеќе од 30 договори со медиуми, компензирајќи им за содржината што генерира кликови и пари за реклами, се додава во извештајот.
