Дали познавате луѓе кои буквално „процветале“ по раскинување или развод? Лошата врска или брак можат да имаат негативни последици на здравјето, но и на изгледот на една личност.
Доказ за тоа е 42-годишната Британка Ема Шепард која пред една година се развела од сопругот со кого минала скоро 20 години во брак.
За жал, бракот не бил исполнет со среќни моменти, а поради недостиг на време за себе и брзиот стил на живеење, Ема била длабоко несреќна и тоа на крајот се одразило на нејзиниот изглед.
Откако оваа мајка на две девојчиња почнала да си посветува време и за себе, нејзиниот изглед целосно се трансформирал. Ема почнала да вежба, престанала да консумира брза храна, си отворила профил на Tinder и почнала да излегува со други мажи.
Засега не е во врска со некого. Вели дека се омажила релативно млада, на 22 години и на почетокот мислела дека има сѐ што и треба за среќен живот.
„Се омажив за цел живот. Мојот свет беа тој, девојчињата и работата. Се чувствував како сѐ да ми е средено“, вели Ема. „Претходно секогаш гледав да работам и да се грижам за сите. Но, еден ден откако се разведов, сфатив дека мене ми е дојден редот. Изгледав старо, празно и исцрпено, но сега живеам друг живот. Се чувствувам неверојатно. Убавината навистина доаѓа од внатре“, вели таа.
Откако сопругот се отселил од заедничкиот дом, кон крајот на 2021 година разводот е финализиран. Ема од 20 цигари на ден почнала да пуши само 4. Почнала пет пати неделно да тренира, а ја променила и исхраната. Нездравите оброци ги заменила со здрави намирници.
Целосно го променила и стилот на облекување, а сега нејзините парчиња облека се со весели, поживи бои.
„Сѐ во врска со мене сега е поразлично. Луѓето велат дека изгледам неверојатно за разлика од претходно, а јас мислам дека тоа е така затоа што сум среќна од внатре. Најчудно од сѐ е што постојано верував дека сум среќна во бракот“, објаснува Ема за Daily Mail.