Министерот за здравство Венко Филипче денеска истакна дека не размислуваат да предложат какво било релаксирање на сегашните мерки во делот кој се однесува на угостителските објекти.
Во ситуација кога и покрај тоа што е релаксирано во болниците во смисла на тоа што има слободен број кревети, сепак, посочи министерот, е временски период кога можно е да има нови случаи на COVID-19 заради зголемување на ризик факторите.
– Ова време луѓето се повеќе во затврорена просторија, ова е време на сезонски грип, на настинки, така што не размислуваме да предложиме какво било релаксирање на сегашните мерки во делот кој се однесува на угостителските објекти, додаде Филипче.
Што се однесува до препораката на Светската здравствена организација дека вакцинацијата против COVID-19 е побезбеден начин да се помогне во градењето заштита, истото го објави на својот фејсбук профил министерот Филипче.
COVID-19, посочува министерот, може да има сериозни, опасни по живот компликации.
– Со вакцината на побезбеден начин ќе развиете имунитет, отколку да се заразите или разболите, напиша Филипче.
