Поради нападот на експедицијата на Лион и повредата на тренерот Фабио Гросо, француските фудбалски клубови сега поинаку гледаат на гостувањето во Марсеј.
![](/sites/default/files/styles/article_image_xxl/public/2023-11/%D0%93%D1%80%D0%BE%D1%81%D0%BE-87789%D1%959.jpg?itok=5yVRZi2V)
Лил е следниот ривал на Олимпик Марсеј и токму од овој клуб побараа безбедносни гаранции за својата експедиција.
Претседателот на Лил, Оливје Летан, му пиша на првиот човек на префектурата Буш-де-Рон, на која ѝ припаѓа Марсеј, и побара од него да ја гарантира безбедноста на гостинските играчи и стручниот штаб за време на нивниот престој во градот.
Летан, како и целата француска јавност, се во шок откако симпатизерите на Олимпик Марсеј го каменуваа автобусот во кој беа играчите и стручниот штаб на Лион и му нанесоа сериозни повреди на тренерот Фабио Гросо.
Сликата од неговото раскрвавено лице го обиколи светот.
Претседателот на Лил испрати писмо со иста содржина до полицискиот комесар на префектурата Буш-де-Рон, Фредерика Камилери, министерката за спорт Амели Оуде-Кастера, министерот за внатрешни работи Жерал Дарманaн, претседателот на Олимпик - Пабло Лонгориа - и претседателот на Лиг 1 - Вeнсaн Лабрин.