Пари Сен-Жермен го претрпе првиот пораз викендов по осум последователни победи на почетокот на сезоната во францускиот шампионат, а со тоа дојде и критиката кон една од најголемите ѕвезди на тимот.
Рен во неделата беше подобар од ПСЖ со 2:0, кој и покрај тоа што за него играа Килијан Мбапе, Нејмар, Лионел Меси, Анхел Ди Марија и други силни имиња, не реализираше ниту еден удар кон голот на ривалскиот тим. Француските медиуми сѐ уште се занимаваат со овој пораз, а особено „удрија“ по Нејмар.
L'Equipe наведува дека бразилскиот напаѓач е далеку од она што беше кога играше за Барселона, односно дека не е ни блиску до изданијата што ги обезбеди кога се пресели од каталонскиот клуб во Париз во трансфер вреден 222 милиони евра. За последните два гола има „потрошено“ 41 удар, посочува весникот.
Le Parisien истакнува дека нема никаква корист во техничка смисла и дека му недостасува прецизност, додавајќи дека Нејмар го покажа своето најслабо издание оваа сезона на пробата против Рен. Се поставува прашањето дали некогаш ќе го видиме повторно во старите изданија и тој заклучува дека на средбата со Рен изгледал само како сенка на играчот што некогаш беше.