Француската писателка Ани Ерно е годинешната добитничка на Нобелова награда за книжевност, објави Шведската академија која ја награди „за храброста и клиничката острина со која ги открива корените, заскитувањата и ограничувањата на личните сеќавања“.
Делата на 82-годишната Ани главно се од автобиографска природа и се сметаат за класици во француската книжевност.
Нобеловата награда за книжевност е вредна 10 милиони шведски круни, односно околу 1 милион евра.
Претходно беа прогласени добитниците на Нобел за медицина, физика и хемија, а утре ќе биде познат добитникот на наградата за мир.
Ерно во кратка изјава за шведската телевизија изјави дека наградата претставува голема чест и одговорност за неа.