Газпром од денеска ја прекина испораката на гас за соседна Латвија поради кршење на условите за повлекување гас, соопшти руската компанија.
Овој потег уследи еден ден откако латвиската енергетска компанија Latvijas Gaze соопшти дека купува гас од Русија и плаќа во евра наместо во рубљи, како што бара Москва.
Русија веќе ја прекина испораката на гас за Полска, Бугарија, Финска, Холандија и Данска, кои одбија да платат за гасот според наредбата на рускиот претседател Владимир Путин кој бараше да отворат сметки во рубљи во руска банка како дел од новото решение за плаќање.
