Рускиот енергетски гигант Газпром постави нов рекорд во испораката на гас за Кина преку гасоводот Моќта на Сибир (Сила Сибири), соопшти руската компанија.
Рекордот е постигнат на 25 ноември, се вели во соопштението за печатот на Газпром, пренесува ТАСС.
„На 25 ноември номинацијата на кинеската страна за испораки на руски гас преку гасоводот Моќта на Сибир повторно беше над дневните договорни обврски. Газпром ги испорача сите барани количини и постави нов историски рекорд на дневни испораки во Кина“, се додава во соопштението на Газпром.
Испораките на гас за Пекинг се вршат во рамките на долгорочниот билатерален договор за купување и продажба на гас меѓу Газпром и кинеската компанија CNPC.