Компанијата Nubia е позната по својата серија RedMagic телефони за игри, со огромни батерии, дисплеи со висока стапка на освежување и други функции ориентирани кон игри. Сега има нова серија на телефони.
Новата линија се состои од два модели - RedMagic 8 Pro и RedMagic 8 Pro+, кои се украсени со специјален Red Core 2 гејмерски чип, кој ги придвижува гејмерските ефекти како што се звучни детали, бои и одговор на хаптички вибрации.
Двата телефони, кои беа објавени во Кина, се и првите гејмерски модели кои пристигнаа со чипсет Qualcomm Snapdragon 8 Gen 2. Тука е и системот за ладење RedMagic ICE 11.0, кој користи 3D Icing VC ладење, неколку слоеви графен и вграден вентилатор од 20.000 вртежи во секунда.
Двата телефони користат 6,8-инчен OLED панел од 120Hz, со 1300 nits осветленост, а под екранот е поставена камера од 16MP. На задната страна е камерата Samsung GN5 од 50 MP, ултра-широка од 120 степени од 8MP и макро сензор од 2MP.
RedMagic 8 Pro се напојува со батерија од 6000 mAh со поддршка за брзо полнење од 80 W, додека моделот Pro+ користи батерија од 5000 mAh со поддршка за полнење од 165 W. Телефоните работат на софтверот Android 13, со RedMagic OS 6.0.
Телефоните имаат и стерео звучници, 3,5 милиметарски приклучок, 5G со две SIM и USB-C порта. Има и две дополнителни копчиња, на десната страна на телефонот, со поддршка за земање примероци на допир 520Hz.
RedMagic 8 Pro и RedMagic 8 Pro+ се разликуваат по количината на RAM и простор за складирање, така што моделот Pro има 8GB LPDDR5X RAM и до 256GB простор за складирање UFS 4.0, додека Pro+ има 12GB до 16GB RAM и 256GB до 1TB на простор за складирање.
Телефоните во Кина имаат почетна цена од околу 540 евра до околу 950 евра во зависност од конфигурацијата. Ќе бидат лансирани на глобално ниво на 16 јануари.
