Опозицијата и нејзините поддржувачи се судрија со полицијата на вчерашните протести пред канцеларијата на албанскиот премиер Еди Рама во Тирана. На протестите против корупцијата, сиромаштијата и масовното иселување присуствуваа илјадници граѓани.
Протестите започнаа мирно, а потоа демонстрантите го пробија полицискиот кордон и почнаа да фрлаат црвена боја кон зградата на Владата. Едно лице е уапсено. Се запалија свеќи во спомен на двајца мажи кои, како што тврдат опозиционерите, починале во притвор.
„Исто како и пред 32 години, светот нè гледа како луѓе кои пристигнуваат со мали чамци“, рече лидерот на опозициската Демократска партија, Сали Бериша, мислејќи на иселувањето на голем број Албанци во Велика Британија.
Властите во Велика Британија посочуваат дека зад бранот мигранти од Албанија преку Ла Манш стојат и инволвирани во организиран криминал. На протестите се гледа и како обид на Бериша да се зајакне политички пред локалните избори, кои треба да се одржат во мај следната година.
Бериша веќе беше премиер и минатата година доби забрана за влез во САД поради наводна корупција. Тој ги негира обвинувањата за корупција, пренесува Reuters.