Google ја лансираше апликацијата Switch to Android за уредите со iOS оперативен систем.
Апликацијата Switch to Android е достапна за корисниците на iOS уреди преку AppStore и е дизајнирана да им помогне на корисниците на iPhone и iPad да увезуваат контакти, фотографии, клипови и календари од уред со Android. Апликацијата исто така им покажува на корисниците како да ја исклучат апликацијата iMessage во корист на пораките на Android, како и да вршат пренос на фотографии и видео со поврзување на iCloud.
Google прилично тивко ја лансираше новата апликација и сè уште нема официјално соопштение на страницата Switch to Android, иако апликацијата може да се преземе од AppStore преку директна врска, со оглед на тоа што не се појавува во резултатите од пребарувањето.
Апликацијата е големо подобрување во однос на сегашниот систем, кој бара од корисниците да прават резервни копии на фотографии, клипови, календари и контакти користејќи ја апликацијата Google Drive за iOS. Ова за првпат беше забележано минатото лето во кодот скриен во алатката Data Transfer Tool на Google, а беше видено во поновата верзија со можност за увоз на клипови и фотографии од iCloud во Google Photos.
Апликацијата на Apple се појави уште во септември 2015 година, па на Google дефинитивно му требаше долго време да одговори.
Апликацијата Move to iOS работи на ист начин и им помага на корисниците да увезуваат фотографии, клипови, пораки и контакти од Android полесно од кога било досега.
Samsung има свој систем наречен Smart Switch, кој му помага на корисникот да се префрли од iPhone или друг уред со Android на паметен Galaxy телефон. Сепак, тој е достапен само преку Google Play и продавницата Galaxy и не работи на iOS.