Верзијата 38.8 на Google Play Store доби нова функција, а тоа е далечинско отстранување на апликациите од уредите поврзани на иста сметка.
Овој начин на деинсталирање апликации работи на сите платформи, а тоа се компјутер, автомобил, телефон, ТВ и Wear.
Досега можеше да се инсталираат апликации на уредите најавени на истата сметка, но немаше опција за нивно отстранување. Google одлучи да го промени тоа, па понуди функција која ви овозможува да отстранувате апликации. Новиот кориснички интерфејс ги прикажува сите инсталирани апликации во списокот што е полесен за управување. На пример, можно е подредување по големина, групирање на апликации по уред и слично.
Новата функција би можела да биде особено корисна кога станува збор за управување со апликации за Android TV, Android Auto и Wear OS, бидејќи нивните интерфејси се поограничени. Ќе биде многу полесно да се инсталираат и деинсталираат апликациите преку десктоп прелистувач или преку мобилен телефон со оперативниот систем Android.
Новата верзија на апликацијата Play Store сѐ уште не стигнала до сите корисници, но тоа ќе се случи во блиска иднина.