Младата климатска активистка Грета Тунберг беше приведена за време на протест пред влезот на норвешкото Министерство за финансии во Осло.
Демонстрантите протестираа затоа што ветерните турбини во Фосен, кои Врховниот суд ги прогласи за незаконски, сè уште не се отстранети.
Ветерните турбини се проблематични бидејќи се изградени на земјиште кое традиционално го користат стадата ирваси во близина на Осло, Норвешка.
Тунберг беше однесена од местото на настанот од полицајци кои го обезбедуваа протестот.
Да потсетиме, Тунберг беше приведена и во јануари додека таа, заедно со други климатски активисти, протестираше во Германија во рудникот за јаглен Гарцвајлер 2, на околу 9 километри од Луцерат, каде седеше со група демонстранти во близина на работ на рудникот.
Германската влада, во која е вклучена и Зелената партија, го бранеше проектот за рудникот како неопходно краткорочно решение за енергетската криза во земјата.