Републиканскиот гувернер на Флорида, Рон Десантис, го потпиша законот одобрен од Претставничкиот дом на таа американска сојузна држава, со кој се забранува абортус по истекување на шестата недела од зачнувањето.
Канцеларијата на гувернерот на Флорида објави дека Десантис го потпишал нацрт-законот.
Забраната за абортус по шестата недела ќе стапи на сила само ако сегашната забрана за прекинување на бременоста по 15 недели биде потврдена во тековниот правен процес пред Врховниот суд под контрола на конзервативците.
Пратениците на Претставничкиот дом на Флорида во четвртокот гласаа 70:40 за забрана на абортусот, додека во локалниот Сенат на 3 април законот беше усвоен со 26 гласа „за“ и 13 против.
Законот прави исклучоци во случај на силување, инцест или кога животот на мајката е сериозно загрозен.
Со ова, Флорида станува сојузна држава со еден од најрестриктивните закони за прекин на бременоста.
Поборниците за право на безбеден абортус се противат на ваквиот развој на настаните, велејќи дека повеќето жени не ни знаат дека се бремени во првите шест недели.
