Германскиот правобранител казни претставништво на шведскиот моден синџир H&M со 35,3 милиони евра затоа што управителите се мешале во приватниот живот на вработените.
Имено, тие собирале податоци за нив, како нивните религиозни убедувања и медицинска историја.
Според изјавата на директорот на надзорната агенција за заштита на податоците, Јоханес Каспар, овој случај покажал „грубо непочитување“ на правилата за заштита на податоците во претставништвото на компанијата во Нирнберг.
Компанијата почнала да ги крши правилата за приватност во 2014 година.
Некои менаџери дури се обиделе да соберат дополнителни детали за приватниот живот на вработените преку неформални разговори.
На тој начин, тие се обиделе да откријат нешто во врска со семејните проблеми и верските убедувања на персоналот, кои потоа ги зачувале и документирале.
Компанијата призна дека се откриени недостатоци во сервисниот центар и соопшти дека презела силни мерки за да го поправи тоа.