Се разбира, пред сѐ неопходно е вашиот автомобил да ја поддржува опцијата за отклучување и стартување со мобилен телефон.
Ако ги заборавивте клучевите од автомобилот дома, нема потреба да се грижите, бидејќи Huawei ја патентираше апликацијата Digital Car Key.
Овој изум овозможува да го отклучите и стартувате возилото користејќи мобилен телефон, а сѐ што е потребно е да ја преземете апликацијата и автомобилот да ја поддржува опцијата за виртуелен клуч.
Digital Car Key е само една од многуте апликации што Huawei ја направи со R&D центарот од Финска, со кој соработува веќе една деценија.
За да се користи овој дигитален клуч за автомобил се користи NFC чип, кој веќе го имаат повеќето телефони на Huawei, па затоа е потребно само корисникот да има соодветна апликација за такво нешто.
Исто така, услугата за виртуелен клуч ќе биде достапна само за корисниците на уредите Huawei со EMUI 9 и понов софтвер, со цел да се запазат сите потребни безбедносни процедури и да се користат стандарди кои можноста за измама или хакирање ја сведуваат до ниво на теорија. Виртуелниот клуч е единствен за секое возило, се креира со помош на апликација од производителот на автомобилот и овластување на Huawei уред, а се чува директно во чипот на уредот, каде што е шифриран и заштитен од копирање (без два чекори за авторизација).
Виртуелниот клуч може да се сподели со членовите на семејството и пријателите, кога корисникот го сака тоа пратејќи точно дефинирана постапка, така што автомобилот може да се отклучи од далечина, па дури и да се стартува моторот.