Покрај договорот, според кој Vivo ќе плаќа надоместок за користење на 5G технологии, во последните 24 часа Huawei воспостави соработка и со Amazon, што ќе ѝ овозможи на американската страна да користи патенти за Wi-Fi и технологија за репродукција.
Компанијата Huawei потпиша повеќегодишен договор за вкрстена лиценца со компанијата Vivo, само еден месец откако истата соработка беше постигната со финската Nokia.
Кинескиот производител на паметни телефони се согласи да плати такса за користење на 5G технологии и со тоа ја отвори вратата за својата компанија да работи во земји каде Huawei веќе се занимава со 5G комуникациски технологии.
Шефот за интелектуална сопственост на Huawei, Алан Фан, во соопштение за медиумите рече дека договорот го одразува „взаемното почитување на вредноста на патентите на двете компании“. Договорот ќе им овозможи на Huawei и Vivo да работат заедно на идните проекти.
Фан додаде дека и двајцата партнери во овој бизнис „заеднички ќе инвестираат во основни истражувања“, како и дека се посветени на стандардизација и споделување на „плодовите“ на нивните иновации. Компанијата Vivo сѐ уште официјално не го објави потпишаниот договор.
Овој договор е втор што Huawei го потпиша за 24 часа. Првиот, потпишан со Amazon, ќе ѝ овозможи на американската страна да ги користи патентите на Huawei за Wi-Fi и технологии за репродукција на германскиот пазар, како и низ целиот свет.