Во Бразил синоќа во лигата Кариока се одигра фудбалското дерби меѓу Флуминенси и Ботафогу, најстарото во Рио де Жанеиро, на кое гостите победија со 4:2, а натпреварот го одбележа урнебесна сцена во судиското надополнување.
Еден играч на Ботафогу остана да лежи повреден надвор од теренот, а еден од неговите соиграчи буквално го одвлече назад на теренот за да се прекине играта со што Ботафогу би добил на време во моменти кога водеа со 3:2.
После тоа голманот на Флуминенси, Филипи Алвис, реши да го одвлечка од теренот повредениот играч, но потоа се појави играч од гостите кој се загреваше крај аут-линијата и го врати својот соиграч на теренот.
На крајот судијата дополнително го надополни ваквото загубено време, но тактиката му се исплатеше на Ботафогу бидејќи во 100. минута го постигна четвртиот гол за конечни 4:2.
Стрелци за Ботафогу на ова Дедовско дерби (Класику Вово - Clássico Vovô) беа Марлон Фрејтас со два гола, Раи и Емерсон Урсу, додека Леле и Џон Кенеди погодија за Флуминенси.