Легендарниот шведски фудбалер Златан Ибрахимовиќ на Instagram сподели видео на кое покажува неверојатна физичка сила и на 43 години.
Ибрахимовиќ тренираше на обрачи и покажа дека, без разлика што претходното лето се збогуваше од фудбалот, сепак е во фантастична форма.
„Уметноста на силата и контролата“, напиша Ибрахимовиќ на Instagram во описот на видеото.
Ибрахимовиќ кариерата ја започна во Шведска во клубот Малме, а потоа играше за Ајакс, Јувентус, Интер, Барселона, Милан, ПСЖ, Манчестер Јунајтед и ЛА Галакси.
За шведската репрезентација одигра 122 натпревари и постигна 62 гола.