Легендарниот Златан Ибрахимовиќ (39) ѝ помогна на репрезентацијата на Шведска да го победи Косово во квалификациите за СП, а на новинарите им рече дека сè што му останува во кариерата е да се забавува.
Ибрахимовиќ се врати во репрезентацијата на Шведска и играше против Грузија и Косово, запишувајќи асистенција.
„Сега сум во сосема поинаква позиција, немам што повеќе да докажувам, не ми останува ништо друго во кариерата освен да се забавувам. Имам 39 години, играм за Милан и Шведска, со тоа не може да се пофалат многу играчи на моја возраст“, рече Ибрахимовиќ.
Славниот Ибра ќе го прослави 40-тиот роденден во октомври, а претходно изјави дека верува дека ќе го продолжи договорот со „росонерите“.
