Поранешниот фудбалер на Челси, 26-годишниот Ајзеа Браун, објави дека става крај на кариерата.
Браун речиси целата своја професионална кариера ја мина по позајмици, а за „Сините“ одигра само еден натпревар во Премиер лигата.
Додека беше во академијата на Челси, Браун беше именуван како идна голема ѕвезда од тогашниот менаџер Жозе Мурињо.
„Мојата совест ми вели дека ако тој, Луис Бејкер и Доминик Соланке за неколку години не бидат англиски репрезентативци, тогаш јас ќе бидам виновен“, изјави тогаш Мурињо.
Сега, на 26-годишна возраст, Браун се збогува со својата играчка кариера.
„Не знам од каде да почнам. Иако отсекогаш мислев дека ќе треба да го напишам ова еден ден, никогаш не очекував тој ден да дојде толку брзо. По една година мачење и две операции на Ахиловата тетива, со голема тага и тешко срце морам да му кажам збогум на професионалниот фудбал“, напиша Браун во прошталната порака објавен на Twitter.
Како спомен на Браун му останува дебито и единствениот натпревар што го одигра за Челси како 17-годишник, против Вест Бромвич Албион на крајот од сезоната 2013/14.
Популарниот Изи кариерата како дете ја почна во Лестер, па преку Вест Бромвич во 2013 година дојде во Челси. „Сините“ го пратија на вкупно 7 позајмици и тоа во Витесе, Ротерам Јунајтед, Хадерсфилд Таун, Брајтон & Хоун Албион, Лидс Јунајтед, Лутон Таун и Шефилд Веднсдеј. Минатата сезона направи трансфер во Престон Норт Енд каде поради повредите воопшто не заигра.
Со репрезентацијата на Англија стана европски шанпион на ЕУРО 2014 за играчи до 17 години.